هر کوجه سیل ایکونم ایای به ویرم
ندونم غش بکنم یا سیت بمیرم
*****
خاطرت خیلی اخوم سیت بیقرارم
وختی پیام ادی بال ادرارم
*****
مو کر بختیاریم فارسی ندونم
به زبون مادری دردت به جونم
*****
قدت بلند آستاره مالی
مو چنو فکر تونم تو بی خیالی
*****
نه گله نه برزگر نه مال دیاره
نه سوار نه کدخدا نه خان دیاره
نه تشی نه چاله ای نه لاش به داره
نه جایی بینم که لامردون به کاره
سر بنم سر دلت وا آه و زاری
بریزم ارس زه تیام سی بختیاری
منبع:heivedy.blogfa
نظرات شما عزیزان:
ارسال در تاريخ چهار شنبه 22 آذر 1391برچسب:اس ام اس بختیاری, توسط کربختیاری